Maliyyə

Ana səhifə

Maliyyə

«Qafqaz İnkişaf Bankı» son bir ildə kreditləşməni 70% artırıb

25 oktyabr 2011 14:05 (UTC +04:00)

Bakı. Elnur Hüseynquluyev – APA-Economics. Azərbaycanın «Qafqaz İnkişaf Bankı» ASC-nin aktivlərinin həcmi 2011-ci il oktyabrın 1-nə 55,369 mln. manat təşkil edib ki, bu da ötən ilin analoji dövrünün göstəricisi ilə müqayisədə 59% çoxdur.

Bankın baş ofisindən «APA-Economics»ə verilən məlumata görə, hesabat dövründə bankın kredit portfelinin həcmi 66% artaraq 50,569 mln. manat, o cümlədən 12 ayadək verilən kreditlər 9,2% azalaraq 6,353 mln. manat, 12 aydan artıq müddətə verilən kreditlər 88% artaraq 44,178 mln. manat, istehlak kreditləri 2,7 dəfə artaraq 3,888 mln. manat, vaxtı keçmiş kreditlər isə 2,2% artaraq 1,513 mln. manat olub.

Bu müddət ərzində bankın depozit portfelinin həcmi 3,1 dəfə artaraq 6,520 mln. manat, o cümlədən müddətli depozitlər 2,6 dəfə artaraq 1,827 mln. manat, tələb olunanadək depozitlər 3,3 dəfə artaraq 4,693 mln. manat, əhalidən cəlb edilən əmanətlərin həcmi isə 2,5 dəfə artaraq 1,827 mln. manat təşkil edib.

Qeyd edək ki, son bir ildə bankın gəlirləri 2,2 dəfə artaraq 2,371 mln. manata, xərcləri isə 1,6% artaraq 1,480 mln. manata çatıb. Nəticədə, bu ilin 9 ayında bank 891 min manat mənfəət əldə edib. Ötən ilin yanvar-sentyabr aylarında isə bankın zərəri 389 min təşkil edib.

Xatırladaq ki, təsisçisi Azərbaycan, ABŞ, Almaniya, Gürcüstan və Rusiya müəssisələri, bankları, təşkilatları və fiziki şəxslər olan «Qafqaz İnkişaf Bankı» 1996-cı ilin aprelində yaradılıb. Hazırda bankın respublika üzrə 2 filialı fəaliyyət göstərir.