Maliyyə

Ana səhifə

Maliyyə

«Royal Bank»ın əhalidən cəlb etdiyi əmanətlərin həcmi 14% artıb

26 oktyabr 2011 08:28 (UTC +04:00)

Bakı. Elnur Hüseynquluyev – APA-Economics. «Royal Bank» ASC-nin kredit portfelinin həcmi 2011-ci il oktyabrın 1-nə 133,099 mln. manat təşkil edib ki, bu da ötən ilin analoji dövrünün göstəricisi ilə müqayisədə 9,5% çoxdur.

Bankın baş ofisindən «APA-Economics»ə verilən məlumata görə, hesabat dövründə bankın 12 ayadək verdiyi kreditlərin həcmi 22 114 mln. manat, 12 aydan artıq müddətə verdiyi kreditlər 16,909 mln. manat, istehlak kreditlərinin həcmi isə 51,231 mln. manat olub.

Təhlil olunan dövr ərzində bankın depozit portfeli 4,6% azalaraq 76,357 mln. manat, o cümlədən müddətli depozitlər 62,723 mln. manat, tələb olunanadək depozitlər 13,634 mln. manat, əhalidən cəlb edilən əmanətlərin həcmi 14% artaraq 10,192 mln. manat təşkil edib.

Qeyd edək ki, son bir ildə bankın ümumi gəlirləri 3% artaraq 22,703 mln. manat, o cümlədən faiz gəlirləri 19,225 mln. manat, qeyri-faiz gəlirləri isə 3,477 mln. manat, xərcləri 4,2% artaraq 24,499 mln. manat, o cümlədən faiz xərcləri 13,185 mln. manat, qeyri-faiz xərcləri isə 11,314 mln. manat olub. Nəticədə, bankın zərəri son bir ildə 20% artaraq 1,796 mln. manat təşkil edib.

Xatırladaq ki, təsisçisi ABŞ vətəndaşı olan «Royal Bank» ASC 1993-cü ildə Azərbaycanda «OZ Bank» kimi yaradılıb. Bankın ölkə üzrə 32 filialı, 32 bankomatı və 113 POS-terminalı fəaliyyət göstərir.