Maliyyə

Ana səhifə

Maliyyə

Azərbaycan Sığortaçılar Assosiasiyasının 2012-ci üçün büdcəsi 50% artırılıb

01 fevral 2012 14:23 (UTC +04:00)

Bakı. Elnur Hüseynquluyev – APA-Economics. Azərbaycan Sığortaçılar Assosiasiyasının (ASA) 2012-ci üçün büdcəsi 241 min manat səviyyəsində müəyyənləşdirilib ki, bu da 2011-ci ilin büdcəsindən 46% çoxdur. ASA-dan «APA-Economics»ə verilən məlumata görə, bununla bağlı qərar ASA-nın səhmdarlarının son iclasında qəbul olunub.

İclasda əvvəlcə səhmdarlar tərəfindən qurumun 2012-ci il üçün büdcəsinin layihəsi müzakirə edilib. Təsdiq olunmuş büdcə il ərzində sığorta şirkətləri üçün seminarlar, tədbirlər, olimpiadalar, həmçinin Bakıda beynəlxalq sığorta forumu və digər tədbirlərin keçirilməsini nəzərdə tutur.

ASA-dan bildirilib ki, büdcənin 46% və ya 76 min manat artırılması səbəbi təsdiq olunmuş yeni nizamnamənin müvafiq maddələrinin tələbləri ilə bağlıdır. Belə ki, əvvəlki nizamnaməyə uyğun olaraq hər bir üzv şirkət 5 min manat üzvlük haqqı ödəyirdisə, yeni nizamnamədə bu qaydalar tamamilə ləğv edilib. Yeni nizamnaməyə əsasən, Assosiasiyanın Müşahidə Şurasına daxil olan şirkətlər 16 min manat, illik yığımlara görə ilk onluğa düşən sığorta şirkətləri 7-8 min manat, qalan şirkətlər isə 5 min manat üzvlük haqqı ödəməlidir.

Xatırladaq ki, ASA 2006-cı ilin dekabrında təsis olunub. Hazırda 27 sığorta şirkəti qurumun üzvdür.