Maliyyə

Ana səhifə

Maliyyə

“Parabank” təcili pulköçürmə üzrə kampaniyanın müddətini uzadıb

15 mart 2012 08:18 (UTC +04:00)

Bakı - APA-Economics. Azərbaycanın “Parabank” ASC təcili pul köçürməsi xidmətlərindən istifadə edənlərə hədiyyələr təklif edir.
Bankdan “APA-Economics”ə verilən məlumata görə, kampaniya çərçivəsində bankın “Western Union”, “Contact”, “Bıstraya Poçta, “Caspian Money Transfer”, “Blizko” və digər təcili pul köçürmə sistemləri vasitəsilə pul göndərən və ya alan müştərilər mobil rabitə danışıq (kontur) kartları və ya “Parabank”ın plastik kartlarını əldə edəcəklər.
Aksiyanın şərtlərinə əsasən 200 AZN/USD/EUR-a və ya 6 000 RR-dan 1000 AZN/USD/EUR a ya və 30 000 RUR məbləğində pul köçürənə və ya alana istədiyi mobil rabitə operatorunun 1 manatlıq, 1001 AZN/USD/EUR və ya 30 001 RR-dan 2 000 AZN/USD/EUR və ya 60 000 RR-na qədər 2 manatlıq kontur kartı, 2001 AZN/USD/EUR və ya 60 001 RR-dan 3 000 AZN/USD/EUR və ya 90 000 RR-na qədər 3 manatlıq danışıq konturu hədiyyə veriləcək. 3 000 AZN/USD/EUR və ya 90 000 RR-dan yuxarı məbləğdə pul göndərən və ya alan şəxslər “Visa Electron” kartı və ya “Visa Electron” kartı istəmədiyi halda 5 manatlıq kontur hədiyyə alacaq. Bu aksiya bankın baş ofisi və bütün filiallarında həyata keçirilir.
Xatırladaq ki, təsisçisi 23 fiziki şəxs olan «Parabank» ASC 1991-ci ildən fəaliyyət göstərir. Cari ilin yanvar ayının 1-nə bankın ölkə üzrə 15 filialı, 18 bankomatı, 247 POS-terminalı və 418 işçisi mövcuddur.