Maliyyə

Ana səhifə

Maliyyə

«DəmirBank»ın üç müştərisi «Western Union» üzrə aksiyada xaricə səyahət paketi qazanıb

17 iyul 2012 09:13 (UTC +04:00)

Bakı. Elnur Hüseynquluyev - APA-Economics. Azərbaycanın «DəmirBank» ASC-nin 3 müştərisi “Western Union” sisteminin keçirdiyi “Heyrətləndirici dünya!” kampaniyasında xaricə səyahət paketi qazanıb.

Bankın baş ofisindən «APA-Economics»ə verilən məlumata görə, Azərbaycanın bir sıra banklarının qoşulduğu kampaniyanın birinci tirajında 5 qalib müəyyən edilib, bunlardan da 3 nəfəri «DəmirBank»ın müştərisi olub. Qaliblər seçdikləri istənilən ölkəyə turist paketi və ya hədiyyənin məbləğini nağd şəkildə əldə edə bilərlər.

Ümumilikdə 2 tirajdan ibarət kampaniyanın növbəti - sonuncu tirajı bu ilin sentyabr ayının 21-də keçiriləcək. İkinci tirajda da 5 müştəri 1000 manat dəyərində xaricə səyahət paketi qazanacaq. Lotereya aksiyası kuponlar vasitəsilə həyata keçirilir və bu kuponlar iki hissədən ibarətdir. Bir hissəsi müştəridə, digəri isə lotereyada iştirakı təmin etmək üçün əməliyyatçıda qalacaq.

Qeyd edək ki, «DəmirBank»ın hazırda Bakı və regionlarda 31 filialı təcili pul köçürmə xidmətlərini göstərir. Ölkənin müxtəlif şəhərlərində müvafiq olaraq Gəncə, Sumqayıt, Şəki, Zaqatala, Yevlax, Bərdə, Qazax, Şəmkir, Quba, Qusar, Göyçay, Ağdaş, Ağsu, Şamaxı, Lənkəran, Masallı, Sabirabad və İmişli filialları fəaliyyət göstərir.