Oktyabr ayında Avrozonada istehlak qiymətləri illik ifadədə 4,1% artıb ki, bu da 2008-ci ilin iyulundan bəri ən yüksək göstəricidir.
"APA-Economics"in məlumatına görə, bu barədə Avropa İttifaqının (Aİ) Statistika İdarəsinin açıqlamasında deyilir.
Ən yüksək qiymət artımı enerji daşıyıcıları (23,5%, sentyabrda 17,6% olub), xidmət sektoru (2,1%, sentyabrda – 1,7%), qeyri-enerji sənayesi məhsulları (2%, sentyabrda – 2,1%), ərzaq məhsulları, alkoqol və tütün (sentyabrda olduğu kimi 2%) məhsullarında qeydə alınıb.
Xatırladaq ki, Avrozonada istehlak qiymətləri avqustda illik ifadədə 3%, Aİ ölkələrində isə 3,2% artıb. Daha sonra Avrozonada inflyasiyanın səviyyəsi 2011-ci ilin noyabrından bəri maksimuma yüksəlib.
Qeyd edək ki, Avrozonaya Belçika, Almaniya, Estoniya, İrlandiya, Yunanıstan, İspaniya, Fransa, İtaliya, Kipr, Latviya, Litva, Lüksemburq, Malta, Niderland, Avstriya, Portuqaliya, Sloveniya, Slovakiya və Finlandiya daxildir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
