Beynəlxalq Valyuta Fondunun (BVF) son proqnozlarına görə, bu il Azərbaycanda əhalinin hər nəfərinə düşən real ÜDM 1,7% artacaq.
"APA-Economics"in BVF-yə istinadən verdiyi məlumata görə, sözügedən göstəricinin 2022-ci ildə 1,1%, 2023-cü ildə isə 0,5% artacağı proqnozlaşdırılır.
BVF qeyd edir ki, ölkədə əhalinin hər nəfərinə düşən nominal ÜDM-in həcmi bu il 8 785 manat, 2022-ci ildə 9 023 manat, 2023-cü ildə isə 9 120 manat təşkil edəcək.
Fonda görə, baza ili 2005-ci il götürülməklə isə əhalinin hər nəfərinə düşən real ÜDM-in həcmi bu il 2 893 manat, 2022-ci ildə 2 926 manat, 2023-cü ildə isə 2 941 manat təşkil edəcək.
Xatırladaq ki, 2021-ci ilin yanvar-oktyabr aylarında Azərbaycanda əhalinin hər nəfərinə düşən real ÜDM 4,5% artıb. Adambaşına düşən nominal ÜDM-in həcmi isə 7 148 manat təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
