“AzRe Təkrarsığorta” ASC-nin Baş Maliyyə İnzibatçısı və İdarə Heyətinin üzvü Lalə Əfəndiyeva şirkətdən ayrılıb.
“APA-Economics”in şirkətdən əldə etdiyi məlumata görə, Lalə Əfəndiyeva sentyabr ayından etibarən şirkətdəki fəaliyyətini dayandırıb.
Qeyd edək ki, Lalə Əfəndiyeva uzun illər “AzRe Təkrarsığorta”nın rəhbərliyində təmsil olunub. O, 1995-ci ildən maliyyə sektorunda fəaliyyət göstərib, 2007-ci ildə isə “AzRe Təkrarsığorta” ASC-nin İdarə Heyətinin üzvü seçilib.
Hazırda şirkətin İdarə Heyəti 3 nəfərdən - Baş İcraçı Direktor Vüsal Abbasov, sədr müavini Tural Qasımov və Baş Risk İnzibatçısı Sarxan Mikayılovdan ibarətdir.
Xatırladaq ki, “AzRe Təkrarsığorta” 2007-ci ildə yaradılıb, ölkənin yeganə təkrarsığorta şirkətidir. Onun nizamnamə kapitalı 50 milyon manatdır. Şirkətin səhmləri adları açıqlanmayan 6 fiziki şəxsə məxsusdur. “AzRe Təkrarsığorta” “Qala Sığorta” ASC-nin 100%-lik, “Qala Həyat Sığorta” ASC-nin isə 90%-lik səhmdarıdır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
