2023-cü ilin yanvar-aprel aylarında "Bakı Fond Birjası"nın (BFB) dövriyyəsi ötən ilin eyni dövrünə nisbətən 27,6% azalaraq 4 milyard 685,8 milyon manata bərabər olub.
"APA-Economics" BFB-yə istinadən xəbər verir ki, son 1 ildə bağlanmış əqdlərin sayı isə 6,75 % azalaraq 3 342-yə enib.
BFB-nin dövriyyəsinin 33,5 %-i, yaxud 1 milyard 569,53 milyon manatı dövlət qiymətli kağızlarının payına düşüb. Bu, illik müqayisədə 55,55 % azdır.
Hesabat dövründə ötən ilin müvafiq dövrü ilə müqayisədə korporativ qiymətli kağızaların ilkin bazarı üzrə ticarət həcmində 25%, korporativ qiymətli kağızların təkrar bazarı üzrə isə 39% böyümə qeydə alınıb. Repo əməliyyatları üzrə 2% artım olub. O cümlədən, ötən il ilə müqayisədə korporativ qiymətli kağızların repo əməliyyatların bazarı üzrə 14 dəfə artıb.
2023-cü ilin aprel ayının son ticarət günü üzrə Bakı Fond Birjasının kapitalizasiyası 4 milyard 377,453 milyon manat təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
