Noyabrda Böyük Britaniyada illik inflyasiya 2011-ci ilin sentyabrından bu yana rekord həddə – 5,1%-ə yüksəlib. Oktyabrda ölkədə inflyasiya 4,2% səviyyəsində olub.
"APA-Economics"in məlumatına görə, bu barədə Milli Statistika İdarəsinin (Office for National Statistics – ONS) açıqlamasında deyilir.
Qeyd olunur ki, noyabrda istehlak qiymətləri oktyabrda 1,1% artdıqdan sonra 0,7% artıb.
"DailyFX" portalının sorğusuna qatılan analitiklər illik inflyasiyanı 4,7%, aylıq isə 0,4% səviyyəsində olacağını gözləyirdi. İllik göstərici, statistika bürosunun məlumatına görə, son 10 ildə rekord həddə çatıb.
Eyni zamanda, CPIH indeksi (mənzil sahiblərinin mənzilin saxlanması üçün xərcləri nəzərə alınmaqla inflyasiya) bir ay əvvəlki 3,8%-dən sonra noyabrda 4,6% təşkil edib. Ay ərzində bu indeks üzrə qiymətlər oktyabrda 0,9% artdıqdan sonra 0,6% artıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
