“Finex Kredit” bank olmayan kredit təşkilatı 2022-ci üzrə maliyyə hesabatlarını açıqlayıb.
“APA-Economics” təşkilatın maliyyə hesabatlarına istinadən xəbər verir ki, “Finex Kredit” 2022-ci ili 421.4 min manat xalis zərərlə başa vurub. 2021-ci ildə təşkilat 311.9 min manat xalis zərər açıqlamışdı.
Hesabat dövründə müştərilərə 3 milyon 318 min manat (əvvəlki illə müayisədə 7% az) kredit verərək 807 min manat(əvvəlki illə müqayisədə 30.6% az) faiz gəliri əldə edib. Faiz xərcləri 510,6 min manat olan təşkilatın xalis faiz gəlirləri 296.4 min manat təşkil edib ki, bu rəqəm 2021-ci illə müqayisədə 47.6% azdır.
Ötən il təşkilatın cəmi aktivləri 4.3% azalaraq 5 milyon 383 min manat, öhdəliklərinin həcmi isə 4% artaraq 4 milyon 931 min manat təşkil edib.
“Finex Kredit”in cəmi kapitalı ötən il 49% azalaraq 451.8 min manata bərabər olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
