“TBC KREDİT” bank olmayan kredit təşkilatı (BOKT) 2022-ci üzrə maliyyə hesabatlarını açıqlayıb.
“APA-Economics” təşkilatın maliyyə hesabatlarına istinadən xəbər verir ki, 2022-ci ildə “TBC KREDİT”in xalis mənfəəti 2021-ci illə müqayisədə 57% artaraq 1.537 milyon manat təşkil edib. 2021-ci ildə təşkilat 979 min manat xalis mənfəət əldə etmişdi.
Hesabat dövründə təşkilat 10 milyon 442 min manat ( illik müqayisədə 5.2% çox) kredit verərək 3 miyon 787 min manat(illik müqayisədə 48.2% çox) faiz gəliri əldə edib. Faiz xərcləri 852 min manat olan təşkilatın 2022-ci ildə xalis faiz gəlirləri 2 milyon 935 min manata bərabər olub ki, bu da 2021-ci illə müqayisədə 41.7% çoxdur.
Bu dövrdə təşkilatın aktivlərinin dəyəri 8.8% və ya 1 milyon 400 min manat artaraq 17 milyon 296 min manat , öhdəliklərinin həcmi isə 2% və ya 137 min manat azalaraq 6 milyon 832 min manat təşkil edib.
2023-cü il yanvar ayının 1-nə “TBC KREDİT”in cəmi kapitalının həcmi 10 milyon 464 min manat təşkil edib ki, bu rəqəm əvvəlki illə müqayisədə 17.2% və ya 1 milyon 537 min manat çoxdur.
Qeyd edək ki, təşkilatın ana şirkəti, 100% nizamnamə kapitalına sahib olan və Gürcüstanda fəaliyyət göstərən “TBC Bank” Səhmdar Cəmiyyətidir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
