2021-ci ilin iyul ayında Azərbaycanın bank sektorunun iştirakçıları 42,6 mln. manat məbləğində xalis mənfəət əldə ediblər.
"APA-Economics"in hesablamalarına görə, bu göstərici iyun ayı ilə müqayisədə 2,2 dəfə azdır.
Bankların əməliyyat mənfəətinin əsasını xalis faiz gəlirləri təşkil edib. Belə ki, iyul ayında bankların xalis faiz gəlirləri 1,2% azalaraq 127,5 mln. manat təşkil edib, xalis qeyri-faiz zərəri isə 45,9% artaraq 55,3 mln. manat təşkil edib. Beləlikə iyul ayında bank sektorunun əməliyyat mənfəəti 72,3 mln. manat təşkil edib ki, bu da aylıq müqayisədə 20,7% azdır.
Qeyd edək ki, aktivlər üzrə mümkün zərərlərin ödənilməsi üçün xüsusi ehtiyatın yaradılmasına ayırmalar 20,5 mln. manat artırılaraq 94 mln. manata çatdırılıb, mənfəətdən vergilər isə 25,4% azalaraq 9,1 mln. manat təşkil edib.
Göstəricilər, mln. manat |
İyul |
Aylıq dinamika |
Xalis faiz gəliri |
127,5 |
-1,2% |
Xalis qeyri-faiz zərəri |
55,3 |
45,9% |
Əməliyyat mənfəəti |
72,3 |
-20,7% |
Digər gəlirlər |
0 |
0% |
Ehtiyat ayırmalar (xərclər)* |
20,5 |
iyunda (14) |
Mənfəətdən vergilər |
9,1 |
-25,4% |
Xalis mənfəət |
42,6 |
-2,2 dəfə |
*Aktivlər üzrə mümkün zərərlərin ödənilməsi üçün xüsusi ehtiyatın yaradılmasına ayırmalar (xərclər)