“Ferrum Kapital” QSC 2022-ci il üzrə maliyyə hesabatlarını açıqlayıb.
“APA-Economics” “Ferrum Kapitalın” maliyyə hesabatlarına istinadən xəbər verir ki, ötən il şirkətin xalis mənfəəti 2021-ci illə müqayisədə 9.7% və ya 230.4 min manat azalaraq 2 milyon 185.2 min manat təşkil edib.
Hesabat dövründə faktorinq şirkəti müştərilərə 36 milyon 101.6 min manat kredit verərək, 13 milyon 222.7 min manat(2021-ci illə müqayisədə 26.3% çox) faiz gəliri əldə edib. Bu dövrdə şirkətin xalis faiz gəlirləri 8 milyon 999,8 min manata bərabər olub ki, bu rəqəm 2021-ci ilə nəzərən 29% və ya 2 milyon manat çoxdur.
2022-ci ildə faktorinq şirkətinin borcları 6 dəfəyə yaxın artıb. Belə ki, şirkət 2021-ci ildə buraxılmış borc qiymətli kağızları(istiqraz) vasitəsi ilə 1 milyon 682.6 min manat borc vəsaiti cəlb etmişdirsə, ötən il bu rəqəm 5.7 dəfə artaraq 9 milyon 611 min manata yüksəlib.
Ötən il “Ferrum Kapital”ın cəmi aktivləri 12% artaraq 56 milyon 896,5 min manat, cəmi öhdəlikləri isə 17% artaraq 46 milyon 930.3 min manata bərabər olub.
Bu dövrdə şirkətin cəmi kapitalı azalıb. 2023-cü il yanvar ayının 1-nə “Ferrum Kapital”ın cəmi kapitalı əvvəlki illə müqayisədə 6.3% və ya 671,1 min manat azalaraq 9 milyon 966,1 min manat təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
