“Rabitəbank” 2022-ci ilin üçüncü rübü üzrə maliyyə hesabatını açıqlayıb.
"APA-Economics" banka istinadən xəbər verir ki, bu ilin doqquz ayında “Rabitəbank”ın xalis mənfəəti 91,3% artaraq 12,676 milyon manata çatıb. Ötən ilin eyni dövründə bankın xalis mənfəəti 6,625 milyon manat təşkil etmişdi.
Bu ilin yanvar-sentyabr aylarında “Rabitəbank”ın xalis faiz gəlirləri 49,211 milyon manat (əvvəlki ilə nisbətən 24,1% çox), xalis faiz xərcləri 14,062 milyon manat (42,3% çox), xalis faiz gəlirləri 35,149 milyon manat (18% çox) olub.
Bu dövrdə bankın qeyri-faiz gəlirləri 68,6% artaraq 34,913 milyon manat, qeyri-faiz xərcləri 60% artaraq 54,554 milyon manata çatıb.
Bu ilin oktyabrın 1-nə bankın aktivləri 12,4% azalaraq 892,157 milyon manat, o cümlədən kredit portfeli 26% artaraq 597,466 milyon manat təşkil edib.
Hesabat dövründə “Rabitəbank”ın öhdəlikləri 15.2% azalaraq 779,083 milyon manat, o cümlədən depozit portfeli 23,6% azalaraq 553,235 milyon manata bərabər olub. Bankın cəmi kapitalı isə 14,1% artaraq 113,074 milyon manata yüksəlib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
