Türkiyə Mərkəzi Bankı uçot dərəcəsini 18%-dən 16%-ə qədər endirib.
"APA-Economics"in banka istinadən verdiyi məlumata görə, bundan əvvəl uçot dərəcəsini gözlənilmədən (illik inflyasiyanın avqustda yüksək səviyyədə (19,25%) olmasına baxmayaraq) 19%-dən 18%-ə azaldılmışdı.
Qeyd edək ki, sentyabrın 24-dən sonra bu qərarlar fonunda lirənin ABŞ dollarına qarşı məzənnəsi də tarixi minimumları yeniləməyə başladı. Türkiyə Mərkəzi Bankının məlumatına görə, hazırda 1 dollar 9,3307 lirəyə bərabərdir.