Bakı. Pərviz Nuriyev - APA-Economics. 2014-cü ilin III rübündə “Atrabank” ASC-nin aktivlərinin həcmi 68,305 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 15,71% çoxdur.
Bankdan “APA-Economics”ə verilən məlumata görə, hesabat dövründə bankın kredit portfeli 3,33% azalaraq 41,375 mln. manat olub.
2014-cü ilin oktyabr ayının 1-nə bankın istehlak kreditlərinin həcmi 14,269 mln. manat təşkil edib ki, bu da 2013-cü ilin eyni dövrünə olan göstəriciyə nisbətən 13,29% azdır.
Bankın kredit portfelinin strukturunda vaxtı keçmiş kreditlərin həcmi keçən ilin analoji dövrü ilə müqayisədə təxminən 21,70% artaraq 11,137 mln. manat olub və bu məbləğ kredit portfelinin 26,92%-ni təşkil edir .
Bankın depozit portfeli hesabat dövrü ərzində 18,79% azalaraq 16,618 mln. manat olub.
Bir il ərzində bankın məcmu kapitalı 80,91% artaraq 21,298 mln. manata çatıb, nizamnamə kapitalı isə 95,93% artaraq 20 mln. 424,80 min manat təşkil edib.
Bankın gəlirləri ötən ilin müvafiq dövrünə nisbətən təxminən 23,91% azalaraq 4,430 mln. manat, xərcləri isə 17,92% azalaraq 4,425 mln. manata çatıb.
Bu ilin 9 ayı ərzində bankın əldə etdiyi mənfəət 4 790 min manat təşkil edib.
Hazırda bankın ölkə üzrə 13 filialı, 12 bankomatı, 59 POS-terminalı fəaliyyət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
