Bankdan “APA-Economics”ə verilən məlumata görə, avqustun 8-9-da “Bolkart” sahibləri üçün alış-veriş zamanı ödəniş aylarının sayı 3 ay uzadılır. Beləliklə, bu tarixlərdə alınmış malın dəyərini 3 ay keçərli olan mağazalarda 6 aya, 6 ay keçərli olan mağazalarda 9 aya, 12 ay keçərli olan mağazalarda 15 aya ödəmək mümkündür. Kampaniya yalnız iki gün qüvvədədir.
Bu kampaniyada 1 aylıq ödəniş qəbul edən ticarət obyektləri (supermarket, restoran, aptek və s.) iştirak etmir.
Hazırda 130 minə yaxın Azərbaycan vətəndaşı “Bolkart”dan istifadə edir. Kredit kartı ilə alış-veriş etmək, nağd pul çıxarmaq və digər üstünlüklərdən bəhrələnmək olar.
Qeyd edək ki, Ramazan bayramı ilə əlaqədar avqustun 8-9-da “Bank of Baku”da qeyri-iş günləridir. Lakin bayram günlərində bankın terminalları ilə, həmçinin onlayn qaydada ödəniş etmək mümkün olacaq. Şənbə günü, avqustun 10-u isə “Bank of Baku” öz işini tam həcmdə bərpa edəcək. Bankın Baş İdarəsi və filialları saat 9-dan 18:00-dək müştərilərin xidmətindədir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
