Bakı. Pərviz Nuriyev - APA-Economics. “Bank of Baku” ASC-nin aktivlərinin həcmi 2014-cü ilin III rübündə 706,733 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 10,47% çoxdur.
«APA-Economics»in məlumatına görə, 2013-cü ilin 9 ayı ilə müqayisədə hesabat dövründə bankın kredit portfeli 16,07% artaraq 605,661 mln. manat olub.
Bankın kredit portfelinin strukturunda vaxtı keçmiş kreditlərin həcmi keçən ilin analoji dövrü ilə müqayisədə təxminən 56,95% artaraq 42,266 mln. manat olub.
Bankın depozit portfeli hesabat dövrü ərzində 10,38% artaraq 402,118 mln. manata bərabər olub.
Bir il ərzində bankın məcmu kapitalı 6,72% artaraq 135,611 mln. manata çatdığı halda, nizamnamə kapitalı dəyişməyərək 52 mln. 870 min manat təşkil edib.
Bu ilin 9 ayında bankın gəlirləri ötən ilin müvafiq dövrünə nisbətən təxminən 26,37% artaraq 100,939 mln. manat, xərcləri isə 46,92% artaraq 61,140 mln. manata çatıb.
Cari ilin ilk doqquz ayı ərzində bankın əldə etdiyi mənfəət 39,798 mln. manat təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
