Bakı. Aqşin Rafiqoğlu - APA-Economics. “Bank of Baku” Bilik Günü ilə əlaqədar “Bolkart” sahibləri üçün əlverişli bayram kampaniyası elan edir.
Bankdan “APA-Economics”ə verilən məlumata görə, sentyabrın 6-15-də “Bolkart” şəbəkəsinin 1 aylıq ödəniş qəbul edən mağazalarında bir dəfəyə cəmi 201 manat və daha böyük məbləğdə alış-veriş etmiş kart sahibləri ödənişlərini 3 ay sonra edə bilərlər.
Beləliklə, “Bolkart” sahibləri alış-veriş anından etibarən 3 ay sonra, yəni dekabr ayında əlavə xərcsiz ödəmələrini həyata keçirmək imkanı qazanır. Kampaniya yalnız 10 gün, 6-15 sentyabr tarixlərində qüvvədədir.
“Bolkart” şəbəkəsinin 1 aylıq ödənişli mağaza və ticarət mərkəzləri siyahısına tanınmış dəftərxana dükanları, supermarketlər, restoran, aptek, gözəllik salonları və digər ictimai obyektlər daxildir. İndi bu məkanlarda alış-veriş edib, məhsul və xidmətin dəyərini 3 ay sonra ödəmək olar.
Hazırda 140 mindən çox Azərbaycan vətəndaşı “Bolkart”dan gündəlik istifadə edir. Kredit kartı ilə alış-veriş etmək, vaxtaşırı nağd pul çıxarmaq və digər üstünlüklərdən bəhrələnmək olar. “Bolkart” vasitəsilə ölkənin istənilən mağazasında, həmçinin dünyanın istənilən ölkəsində və internetdə alış-veriş etmək mümkündür.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
