Bakı. Yeganə Laçınzadə - APA-Economics. 2015-ci ilin yanvarın 1-nə “Başak İnam” sığorta şirkəti ASC-nin aktivləri 9 mln. 935 min 721,54 manat təşkil edib ki, bu da 2014-cü ilin eyni dövrü ilə müqayisədə 11,25% çoxdur.
“APA-Economics” şirkətin yaydığı maliyyə hesabatına istinadən xəbər verir ki, hesabat dövründə şirkətin məcmu kapitalının həcmində də artım qeydə alınıb. Belə ki, müqayisə olunan dövrdə şirkətin məcmu kapitalı 16,93% artaraq 7 mln. 604 min 831,23 manat olub.
Ötən il şirkətin nizamnamə kapitalı 7 mln. manat təşkil edib ki, bu da ötən dövrlə müqayisədə 16,7% artım deməkdir.
Sığortaçının öhdəlikləri 2 mln. 330 min 890,31 manat olub. Bu isə 2013-cü illə müqayisədə 4% azdır.
Ötən il şirkətin cəmi gəlirləri 3 mln. 628 min 383,91 manat, cəmi xərcləri isə 3 mln. 840 min 652,03 manat təşkil edib. Hesabat dövrünü şirkət 212 min 268,12 manatlıq zərərlə başa vurub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
