Bakı. Nicat Mustafayev – APA-Economics. «AXA-MBASK» sığorta şirkəti nizamnamə kapitalını 30% artırıb.
Şirkətdən «APA-Economics»ə verilən məlumata görə, «AXA-MBASK»ın nizamnamə kapitalı və səhmdar kapitalının strukturu dəyişdirilib.
Bundan öncə sığorta şirkətinin nizamnamə kapitalı 6,7 mln. manat təşkil edirdisə, hazırda nizamnamə kapitalı 8 732 520 manata çatdırılıb. Səhmdar kapitalının strukturuna gəldikdə, əgər bundan öncə səhmlərin 51% «AXA Group»un, 49%-i isə fiziki şəxslərin payına düşürdüsə, artıq səhmdar kapitalının strukturu müvafiq olaraq 84% və 16% təşkil edir.
Xatırladaq ki, «AXA-MBASK» sığorta şirkəti 1992-ci ildən «MBASK» sığorta şirkəti adı ilə fəaliyyətə başlayıb. 2010-cu ilin oktyabr ayında «MBASK» sığorta şirkətinin nəzarət səhm paketi (51%) «AXA Group»un (Fransa) törəmə şirkəti olan «AXA Sequros generales S.A, De Sequros Y Reasequros» (İspaniya) şirkətinə satılıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
