«APA-Economics»in xəbər verdiyi kimi, bu barədə Agentliyin məlumatında deyilir.
Verilən reytinq dövlət tərəfindən dəstəyi nəzərə alır və Azərbaycanın suveren reytinqi ilə eyni səviyyədədir. Şirkət tam şəkildə dövlətə məxsusdur və neft-qaz sahəsində dövləti təmsil edir. Şirkət dövlətdən kapitala əlavə daxilolmalar alır ki, bunlar 2011-ci ildə 190 mln. manat, 2012-ci ildə isə 200 mln. manat təşkil edib, halbuki 2012-ci il üçün nəzərdə tutulan bu daxilolma hələ həyata keçirilməyib.
Agentliyin fikrincə, ARDNŞ həcmi 263 min barel neft ekvivalentində olan sutkalıq hasilat göstəricisi ilə məhdud miqyasa malikdir, lakin əsas PSA müqavilələri çərçivəsində hasilatın artımı hesabına şirkət üzrə hasilatın artması gözlənilir. Bundan əlavə şirkətin qaz hasilatının artımı da gözlənilir.
Verilən reytinq ARDNŞ-in həcmi 5,3 mlrd. dollar olan 2012-2015-ci illər üçün investisiya proqramını da nəzərə alır.
Reytinqin gələcəkdə dəyişmə ehtimalına gəlincə bildirilir ki, dövlət dəstəyinin azalması, kredit qabiliyyətinin enməsinə səbəb ola biləcək yeni aktivlərin alışı kimi amillər reytinqin aşağı salınmasına səbəb ola bilər.
Agentlik bildirir ki, 2012-ci il iyunun 30-na ARDNŞ-in pul vəsaitlərinin həcmi 1,006 mlrd. manata bərabər olub, bu isə həmin tarixə 656 mln. manat həcmində olan qısamüddətli ödəmələri nəzərdə tutan borcların ödənilməsi üçün yetərli olub. Qeyd edilir ki, ADRNŞ-in pul vəsaitlərinin əsas hissəsi dövlətə məxsus olan Azərbaycan Beynəlxalq Bankında yerləşdirilib. Həmçinin qeyd olunur ki, 2013-cü ildə A
Qeyd edək ki, bu günlərdə ARDNŞ Avropa bazarında 1 mlrd. dollar həcmində istiqraz emissiyasının yerləşdirilməsini uğurla həyata keçirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
