Bakı. Vahab Rzayev – APA-Economics. Azərbaycanın «Muğan Bank» ASC-nin 2012-ci ildə əldə etdiyi gəlirlərin həcmi 39,432 mln. manat təşkil edib ki, bu da 2011-ci ilin göstəricisindən 22,1% çoxdur. Bankdan «APA-Economics»ə verilən məlumata görə, eyni zamanda bankın xərcləri 31,7% artaraq 34,433 mln. manata çatıb.
Nəticədə, 2012-ci ildə bank 4,999 mln. manat həcmində mənfəət əldə edib ki, bu da illik müqayisədə 18,7% azdır.
Qeyd edək ki, hesabat ilində bankın faiz gəlirləri 26,739 mln. manat, qeyri-faiz gəlirləri 12,693 mln. manat, faiz xərcləri 11,781 mln. manat, qeyri-faiz xərcləri isə 14,409 mln. manata bərabər olub. Son bir ildə bankın faiz mənfəəti 38,4% artıb, qeyri-faiz zərəri isə 2,4% azalıb.
Xatırladaq ki, «Muğan Bank» ASC 1992-ci ildən fəaliyyət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
