"AFB Bank" ASC-nin aktivlərinin həcmi 2017-ci ilin III rübündə 349,500 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 18,49% çoxdur.
"APA-Economics" xəbər verir ki, bankın kredit portfeli hesabat dövrü ərzində 6,23% artaraq 219,882 mln. manata çatıb.
Bankın depozit portfeli hesabat dövrü ərzində 44,26% artaraq 143,407 mln. manata çatıb. Əhalinin əmanətləri 26,176 mln. manat təşkil edib ki, bu da ötən ilin III rübü ilə müqayisədə 24,73% çoxdur. Öhdəlikləri isə 281,920 mln. manat təşkil edib.
Bir il ərzində bankın nizamnamə kapitalı isə dəyişməyərək 70,393 mln. manat təşkil edib.
Bankın gəlirləri ötən ilin müvafiq dövrünə nisbətən təxminən 9,84% azalaraq 23,357 mln. manat, xərcləri isə təxminən 30,96% artaraq 12,631 mln. manat olub.
Cari ilin 9 ayını bank 11 mln. 312 min 329 manat zərərlə başa vurub. Bankın III rübü zərərlə başa vurmasına səbəb aktivlər üzrə mümkün zərərlərin ödənilməsi üçün xüsusi ehtiyata 25,305 mln. manatın ayırması olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
