Bakı. Musa Əhmədov - APA-Economics. “AGbank” ASC-nin səhmdarlarının pay bölgüsündə və sayında ciddi dəyişiklik baş verib.
“APA-Economics”in məlumatına görə, bankın ikinci əsas səhmdarı olan Beynəlxalq Maliyyə Korporasiyasının bankdakı payı 17,5%-dən 4,28%-dək azalıb.
Bununla yanaşı, digər xarici investor “Kazimir Partners”in kapitalda payı 10%-dən 2,45%-dək enib.
İri səhmdarlardan olan Fərzulla Yusifov da bankda iştirak payını azaldıb. Belə ki, onun malik olduğu səhm paketi 17,767%-dən 5,79%-dək azalıb.
Bankın Müşahidə Şurasının sədri Çingiz Əsədullayev iştirak payını 23,27%-dən 31,68%-dək artırıb.
Bununla yanaşı, bankın kapitalına yeni səhmdar daxil olub. Qriqoriy Marçenko bankda 8,3%-lik səhm paketinə yiyələnib. Q. Marçenko eyni zamanda Müşahidə Şurasının üzvüdür.
Minoritar səhmdarların sayı və kapitalda iştirak payı artıb. Belə ki, bundan öncə 60 minoritarın 31,47%-i var idisə, hazırda onların sayı 84, kapitalda iştirak payı 68,32%-ə çatıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
