Fevralın 17-də Bakı Fond Birjasında (BFB) “Azərbaycan İpoteka Fondu” ASC-nin (AİF) faizli adlı sənədsiz təmin edilmiş istiqrazlarının kütləvi təklif qaydasında yerləşdirilməsi üzrə növbəti hərrac keçiriləcək.
BFB-dən “APA-Economics”ə verilən məlumata görə, hərraca 20 mln. manatlıq istiqraz çıxarılacaq. İstiqrazın birinin nominal qiyməti 1000 manat, tədavül müddəti 3600 gün istiqrazlar üzrə gəlirlilik 3 % təşkil edir.
İstiqrazların buraxılış şərtlərinə əsasən, bir istiqrazın satış qiyməti 1001,75 manat təşkil edəcək. Təqdim edilmiş sifarişlər təklifdən çox olduğu halda sifarişlər mütənasib qaydada təmin ediləcək.
AİF-in təmin edilmiş istiqrazlarının emissiya prospekti Bakı Fond Birjasının internet saytının (www.bfb.az) “Emitentlər” bölməsində yerləşdirilib.
BFB-də ticarətdə iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
