"Azsığorta" dövlət sığorta şirkəti ötən il aktivlərini azaldıb.
“APA-Economics” şirkətin saytından yer alan hesabata əsasən xəbər verir ki, 2016-cı ildə “Azsığorta”nın məcmu aktivləri 2015-ci il ilə müqayisədə 0,41% azalaraq 60 mln. 464,968 min manat olub.
Hesabat dövründə şirkətin öhdəlikləri 20,4% artaraq 27 mln. 25 min 783,03 manat təşkil edib. Bu ilin yanvarın 1-nə “Azsığorta”nın qısamüddətli öhdəlikləri 52 mln. 512 min 387 manat, uzunmüddətli öhdəlikləri isə 7 mln. 952 min 580 manat təşkil edib.
Ötən ilin sonuna şirkətin nizamnamə kapitalı dəyişməyərək 20 mln. manat, cəmi kapitalı isə 12,61% azalaraq 33 mln. 439 min 184,52 manat təşkil edib.
Ötən il şirkətin gəlirləri 28 mln. 843 min 817 manat, xərcləri isə 25 mln. 969 min 669 manat olub.
“Azsığorta” 2016-cı ili 2 mln. 299 min 318 manat mənfəətlə başa vurub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
