2017-ci ilin birinci yarısının nəticələrinə əsasən, "Bank VTB (Azərbaycan)" ASC-nin mənfəəti 3 mln. manatı keçib.
Bankın mətbuat xidmətindən "APA-Economics"ə verilən məlumata görə, cari ilin 30 iyun tarixinə bankın aktivləri təqribən 405 mln. manat, öhdəlikləri isə 366 mln. manat olub. Bankın öhdəliklərinin təqribən yarısını - 177,5 mln. manatını depozitlər təşkil edib.
İkinci rübün sonuna bankın kredit portfeli 323 mln. manatı ötüb ki, bu məbləğin də 200 mln. manatı hüquqi şəxslərin və sahibkarların payına düşüb.
Hesabat dövründə bankın məcmu kapitalı 50,9 mln. manat olub ki, bu da tənzimləyicinin kommersiya banklarının kapitalına dair tələbə (50 mln. manat) tam cavab verir. Birinci və ikinci dərəcəli kapital adekvatlığı tələblər 5% və 10% olduğu halda müvafiq olaraq 29,71% və 50,38% təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
