Bakı. Yeganə Laçınzadə - APA-Economics. Cari ilin fevralın 17-də Moskvada "Nikoil Bank"ın əsas səhmdarı olan "Lukoil" neft şirkətinin prezidenti Vahid Ələkbərovun iştirakı ilə səhmdarlarının növbəti yığıncağı keçirilib.
Bankdan "APA-Economics"ə verilən xəbərə görə, yığıncaqda "Nikoil Bank"ın İdarə Heyətinin Sədri Vasiliy Xamaza 2015-ci il ərzində görülən və 2016-cı ildə görüləcək işlər haqqında məruzə ilə çıxış edib.
Toplantının yekununda aşağıdakı qərarlar qəbul edilib:
1. 2015-ci ildə bankın fəaliyyətinin nəticələri nəzərə alınsın və 2016-cı il üçün əsas maliyyə göstəriciləri və iş planları təsdiq edilsin;
2. PWC (PriceWaterhouseCoopers) auditor şirkəti ilə birlikdə bankın 2019-cu ilə qədər strateji inkişaf planı hazırlansın;
3. Müştərilərlə hesablaşmaların fasiləsizliyini təmin etmək üçün 15 mln. ABŞ dolları həcmində ehtiyat fondu yaradılsın;
4. Bankın müasir iqtisadi şəraitə cavab verən yeni təşkilati strukturu təsdiq edilsin.
Yığıncağın gedişatında xüsusi ilə qeyd olunub ki, 2015-ci il ərzində maliyyə bazarlarının dəyişikliklərini nəzərə alaraq, bank öz likvidliyini kifayət qədər yüksək səviyyədə qoruyub saxlaya bilib və müştərilərlə hesablamalarda heç bir əngəllərin yaranmasına yol verməyib. Bankın müştəri bazası 10%, müştəri hesabları üzrə əməliyyatlar isə 50% artıb ki, bu da öz növbəsində müştərilərin banka və onun əsas səhmdarına inamın artmasını ifadə edir.
Bu gün "Nikoil Bank" əhaliyə milli və xarici valyutada həyata keçirilən hesablaşma, kredit, kart, zəmanət, banklararası, sənədli və digər əməliyyatların da daxil olduğu xidmətlərin tam paketini təklif edən universal maliyyə-kredit təşkilatıdır. Bankın filial şəbəkəsi Bakı, eləcə də Azərbaycanın bölgələrində yerləşmiş 21 satış məntəqəsindən ibarətdir. Bankın sosial şəbəkədə rəsmi səhifəsinin ünvanı: https://www.facebook.com/bank.nikoil
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
