Bakı Fond Birjasının (BFB) təşkil etdiyi "Listinq Məsləhət Proqramı" üzrə "Unibank" ASC tərəfindən səhmlərinin kütləvi təklifi üçün müraciət edilib.
BFB-dən "APA-Economics"ə verilən məlumata görə, birjada "Unibank"ın səhmlərinin kütləvi təklifi üçün listinq prosesi başlanılıb. Listinq prosesi sona çatdırıldıqdan sonra müvafiq sənədlər və maliyyə hesabatları BFB-nin internet səhifəsində yerləşdiriləcək.
Kütləvi təklif olunacaq səhmlərin sayı 3 mln. 676,471 min ədəd, nominal dəyəri isə 2,72 manatdır. Qiymətli kağızların təklifi abunə yazılışı vasitəsilə həyata keçiriləcək və abunə yazılışının son tarixi 22 dekabr 2017-ci ildir.
Səhmlərin kütləvi təklifi zamanı anderrayter qismində "Unicapital" investisiya şirkəti çıxış edir.
"Unibank" 2002-ci ildən etibarən fəaliyyət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
