Bakı. Musa Əhmədov - APA-Economics. Azərbaycanın ən iri banklarından biri olan "AccessBank"da yeni təyinat baş verib.
Bankdan "APA-Economics"ə verilən məlumata görə, Vasiliy Melniçuk bankın informasiya texnologiyaları üzrə icraçı direktoru vəzifəsinə təyin olunub.
2015-ci ilin may ayında "AccessBank"da fəaliyyətə başlamazdan əvvəl V. Melniçuk son 6 il ərzində Avstriyanın "Volksbank" qrupunun Lvov şəhərindəki Ukrayna bölməsinin İdarə Heyətinin üzvü kimi layihə komitəsinin sədri vəzifəsində çalışıb.
Bundan əvvəl, 1998-ci ildə o Hollandiyanın ING maliyyə qrupunun Ukrayna törəmə bankını yaradan qrupa qoşulub, daha sonra 3 il müddətində ING qrupunun Əfqanıstanda həyata keçirilən beynəlxalq layihəsi üzərində çalışıb.
V. Melniçuk bir neçə beynəlxalq holdinqin və Asiya İnkişaf Bankının (Asian Development Bank) səhmdarları üçün yeni bankın İT-infrastrukturunu yaradıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
