Azərbaycanda fəaliyyət göstərən kommersiya bankların məcmu xarici öhdəliklərinin həcmi son bir ildə 85,8 mln. manat və ya 1,4% artaraq 2016-cı ilin noyabr ayının 1-nə 6 229 mln. manat təşkil edib.
Azərbaycan Mərkəzi Bankından “APA-Economics”ə verilən məlumata görə, bu ilin sentyabr ayı ilə müqayisədə oktyabrda bankların xarici borclanması 129 mln. manat və ya 2,03% azalıb.
Ümumiyyətlə, 2015-ci ilin dekabrı ilə müqayisədə bu ilin oktyabrında bankların məcmu xarici öhdəliklərin həcmi 1 975,5 mln. manat və ya 24,08% azalıb.
Qeyd edək ki, bankların məcmu xarici aktivlərin həcmi 2016-cı ilin noyabrın 1-nə 3 649,7 mln. manat təşkil edib ki, bu da 2015-ci ilin müvafiq dövrü ilə müqayisədə 1 066,4 mln. manat və ya 22,61% azdır. Məcmu xarici aktivlərin həcmində bu ilin sentyabr ayı ilə müqayisədə oktyabrda 221,2 mln. manat və ya 5,71%-lik azalma baş verib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
