Bakı. Vahab Rzayev – APA-Economics. Azərbaycan Beynəlxalq Bankının (ABB) aktivləri son bir ildə 17,5% artaraq 2013-cü il yanvarın 1-nə 5,891 mlrd. manata çatıb. Bu barədə «APA-Economics»ə Bankın mətbuat xidmətindən məlumat verilib.
Bankın kredit portfeli illik müqayisədə 22,2% artaraq 2013-cü il yanvarın 1-nə 3,856 mlrd. manata çatıb. Fiziki şəxslərə verilən kreditlərin həcmi 436,2 mln. manat təşkil edib.
Bankın məcmu kapitalı 2012-ci il ərzində 40,4% artaraq 720 mln. manata çatıb. Azərbaycan Beynəlxalq Bankının nizamnamə kapitalının həcmi 37,8% artaraq 330,8 mln. manata çatıb.
Bankın aktivlərinin gəlirlilik əmsalı (ROA) 2012-ci ilin sonuna 0,82%, kapitalın gəlirlilik əmsalı (ROE) isə 9,21% təşkil edib. Müqayisə üçün bildirək ki, 2012 ilin yanvarın 1-də bu göstəricilər müvafiq olaraq 0,51% və 3,52%-ə bərabər olub.
Qeyd edək ki, Azərbaycan Beynəlxalq Bankı 1992-ci ildə təsis edilib. Bankın səhmlərinin 50,2%-i dövlətə, 49,8%-i isə özəl hüquqi və fiziki şəxslərə məxsusdur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
