Bakı. Nicat Mustafayev – APA-Economics. Bu ilin yanvar ayında Azərbaycanın pərakəndə ticarət şəbəkəsində 1 481,7 mln. manat məbləğində və ya 2012-ci ilin yanvar ayı ilə müqayisədə 9,1% çox istehlak malları satılıb.
Dövlət Statistika Komitəsindən «APA-Economics»ə verilən məlumata görə, satılmış ərzaq məhsullarının həcmi 0,9% artaraq 848,2 mln. manata, qeyri-ərzaq mallarının həcmi 22,5% artaraq 633,5 mln. manata bərabər olub: «Ötən ilin yanvar ayı ilə müqayisədə pərakəndə ticarət dövriyyəsinin ümumi həcmində ərzaq məhsullarının xüsusi çəkisi 5 faiz bəndi azalaraq 57,2%, qeyri-ərzaq mallarının xüsusi çəkisi isə artaraq 42,8% təşkil edib».
Hesabat ayında pərakəndə ticarət şəbəkəsindən hər bir ölkə sakini orta hesabla 91,8 manatlıq ərzaq, 68,5 manatlıq qeyri-ərzaq malları alıb. Bu isə ötən ilin yanvar ayına nisbətən müvafiq olaraq 6 manat (+7%) və 11 manat (+19%) çoxdur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
