Bakı. Nicat Mustafayev – APA-Economics. Ötən il Azərbaycanda əhalinin hər nəfərinə düşən gəlirləri əvvəlki illə müqayisədə 12,2% artaraq 3 784,3 manat və ya orta hesabla ayda 315,4 manat təşkil edib.
Dövlət Statistika Komitəsindən «APA-Economics»ə verilən məlumata görə, hər nəfərə düşən gəlirlərin artım sürəti istehlak qiymətlərinin bahalaşmasını 11,1 faiz bəndi üstələyib və real olaraq 11% artıb.
«Bu dövr ərzində ölkə əhalisi tərəfindən əldə edilmiş 34,7 mlrd. manatlıq gəlirin 61%-i son istehlak xərcləri, 8,6%-i vergilər, sosial sığorta və könüllü üzvlük haqları, 1,1%-i kreditlər üzrə faizlərin ödənilməsinə sərf edilib, 29,3%-i isə yığıma yönəldilib», - deyə Komitədən bildirilib.
Əhalinin sərəncamda qalan gəlirləri 31,7 mlrd. manat təşkil edərək əvvəlki ilin eyni dövrünə nisbətən 13,8% artıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
