Bakı – APA-Economics. Azərbaycan Nazirlər Kabineti «Gömrük nəzarətinin həyata keçirilməsi Qaydaları»nı təsdiq edib. Gömrük Məcəlləsinə uyğun olaraq hazırlanan bu qaydalar mal və nəqliyyat vasitələri üzərində gömrük nəzarətinin həyata keçirilməsi qaydalarını müəyyən edir.
«APA-Economics»in məlumatına görə, bu Qaydalar gömrük-sərhəd buraxılış məntəqələrində və gömrük rəsmiləşdirilməsi yerlərində istehsal və ya kommersiya məqsədləri üçün nəzərdə tutulan mallara və nəqliyyat vasitələrinə münasibətdə gömrük nəzarətinin həyata keçirilməsi ilə bağlı məsələləri tənzimləyir. Fiziki şəxslər tərəfindən istehsal, yaxud kommersiya məqsədləri üçün nəzərdə tutulmayan mallar isə ölkənin gömrük sərhədindən güzəştli və sadələşdirilmiş qaydada keçirilir və bu mallara münasibətdə gömrük nəzarəti Gömrük Məcəlləsinə əsasən tənzimlənir.
Qaydalarda gömrük nəzarətinin həyata keçirilməsinin forma və üsulları, bu zaman istifadə edilən vasitələr, gömrük nəzarətinin həyata keçirilməsi üçün lazım olan sənədlərin siyahısı, eləcə də gömrük sərhəd buraxılış məntəqələrində mallar və nəqliyyat vasitələri üzərində aparılan gömrük nəzarətinin mərhələləri və s. məsələlər əksini tapıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
