Bakı. Musa Əhmədov - APA-Economics. Azərbaycanda 2014-cü il oktyabr ayının 1-nə 2 543 ədəd bankomat quraşdırılıb.
Azərbaycan Mərkəzi Bankından “APA-Economics”ə verilən məlumata görə, bu, ötən ayla müqayisədə 33 ədəd və ya 1,31% çoxdur, ötən ilin müvafiq dövrü ilə müqayisədə isə 147 ədəd və ya 6,14% çoxdur.
Cari ilin oktyabrın 1-nə bankomatların 1 440-ı (keçən ilə nəzərən 6,3% artımla) Bakı şəhərində, 1 103-ü (keçən ilə nəzərən 5,96% artımla) isə digər şəhər və rayonlarda yerləşir.