Bakı. Vahab Rzayev - APA-Economics. Azərbaycanda fəaliyyət göstərən kommersiya banklarının məcmu xarici öhdəliklərinin həcmi son bir ildə 776,6 mln. manat və ya 31,5% artaraq 2013-cü ilin iyulun 1-nə 3 245,7 mln. manat təşkil edib.
Azərbaycan Mərkəzi Bankından “APA-Economics”ə verilən məlumata görə, bu ilin yanvar-iyun ayları ərzində xarici öhdəliklər 172,1 mln. manat və ya 5,6%, iyun ayında isə 146,7 mln. manat və ya 4,7% artıb:
Göründüyü kimi, may ayında kiçik azalmadan sonra bankların xarici öhdəliklərinin həcmi yenidən artmağa başlayıb.
Eyni zamanda bankların məcmu xarici aktivlərinin həcmi 2013-cü ilin iyulun 1-nə 2 053,6 mln. manat təşkil edib ki, bu da 2012-ci ilin müvafiq dövrü ilə müqayisədə 246,0 mln. manat və ya 13,6% artıb. O cümlədən bu ilin yanvar-iyun ayları ərzində 37,5 mln. manat və ya 1,9%-lik artım müşahidə olunur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
