Dövlət Gömrük Komitəsindən «APA-Economics»ə verilən məlumata görə, ötən ilin yanvar ayı ilə müqayisədə Azərbaycanın xarici ticarət dövriyyəsi 1,76% artıb. Yanvar ayında xarici ölkələrdən Azərbaycana 3 075 adda 627 543,33 min dollarlıq mal idxal edilib, ölkədən xaricə 463 adda 1 922 709,05 min dollarlıq mal ixrac edilib.
Keçən ilin yanvarına nisbətən idxal 4,53% azalıb, ixrac 4% artıb. Ölkənin ticarət dövriyyəsində yaranmış müsbət saldo 1 295 165,72 min manat təşkil edib ki, bu da ötən ilin yanvarına nisbətən 8,7% artıqdır.
Hesabat ayında Azərbaycanda xarici ticarət fəaliyyəti ilə məşğul olan şəxslərin sayı 1 893 təşkil edib. Xarici ticarətlə məşğul olanların 399-u fiziki, 1 494-ü hüquqi şəxsdir. Hüquqi şəxslərin 93%-i özəl sektoru təmsil edir. Ötən ilə nisbətən xarici ticarət iştirakçılarının sayı 13,2%, bunlardan fiziki şəxslərin sayı 43,6% azalıb, hüquqi şəxslərin sayı isə 1,2% artıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
