2018-ci ilin yanvar-mart ayları ərzində Bakı Fond Birjasında (BFB) bütün alətlər üzrə keçirilən birja əqdlərinin ümumi dövriyyəsi ötən ilin analoji dövrü ilə müqayisədə 2,78 dəfə artaraq 5 mlrd. 582 mln. 378 min 465 manat təşkil edib.
“APA-Economics”in məlumatına görə, bütün alətlər üzrə BFB-da keçirilmiş hərracların müqayisəli cədvəlinə nəzər salanda məlum olur ki, 2017-ci ilin üç ayı ilə müqayisədə bu ilin eyni dövründə qiymətli kağızlar bazarı 9,18 dəfə artaraq 2 mlrd. 608 mln. 271 min 537 manat təşkil edib.
Pay və borc alətləri bazarı isə azalıb. Başqa sözlə, son 1 ildə pay bazarı 10,71 dəfə azalaraq 56 mln. 98 min 312 manata, borc alətləri bazarı 11,63% azalaraq 146 mln. 197 min 659 manat olub.
Törəmə Maliyyə Alətləri Bazarında (Forex) isə vəziyyət ürəkaçan olub. Müqayisə olunan dövrdə Törəmə Maliyyə Alətləri Bazarı 2,68 dəfə artaraq 2 mlrd. 556 mln. 955 min 821 manat olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
