2017-ci ilin yanvar-noyabr aylarında ölkə əhalisinin nominal gəlirləri əvvəlki ilin müvafiq dövrünə nisbətən 8,2% artaraq 43 mlrd. 389,9 mln. manata çatıb.
Dövlət Statistika Komitəsindən "APA-Economics"ə verilən məlumata görə, əhalinin hər nəfərinə düşən gəlirlər orta hesabla 4459,1 manat təşkil edib.
Bu dövr ərzində gəlirlərin 84,8%-i (36 mlrd. 794,6 mln. manat) son istehlak xərclərinə, 8,5%-i (3 mlrd. 688,1 mln. manat) vergilər, sosial sığorta və könüllü üzvlük haqlarının, 1,8%-i (781,018 mln. manat) kreditlər üzrə faizlərin ödənilməsinə sərf edilib, 4,9%-i (2 mlrd. 216,1 mln. manat) isə yığıma yönəldilib.
Bütün icbari və könüllü ödənişlər edildikdən sonra əhalinin sərəncamında 39 mlrd. 692,4 mln. manatlıq vəsait qalıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
