Bakı. Aynur Əliyeva - APA-Economics. Dövlət Sosial Müdafiə Fondu (DSMF) 2014-cü ilin dekabr ayı üzrə əmək pensiyalarının maliyyələşdirilməsini vaxtından əvvəl başa çatdırıb.
Fonddan “APA-Economics”ə daxil olan məlumata görə, DSMF-in mərkəzi xəzinə hesabından pensiyaların maliyyələşdirilməsi üçün tələb olunan vəsaitin yerli orqanların hesablarına köçürülməsi dekabr ayının 17-i tarixinə tam yekunlaşıb.
Ümumilikdə bu ilin 11 ayı ərzində DSMF-yə daxilolmaların səviyyəsi pensiya və müavinətlərin qrafikdən əvvəl maliyyələşdirilməsinə imkan verib.
Cari ilin 11 ayı ərzində fondun gəlirləri 2 646,5 mln. manat təşkil edib ki, bu da ötən ilin müvafiq dövrünə nisbətən 8,3% çoxdur. Məcburi dövlət sosial sığorta haqları üzrə daxilolmalar əvvəlki ilin müvafiq dövrünə nisbətən 9,9% artıb.
Məcburi dövlət sosial sığorta haqları üzrə daxilolmaların 999,5 mln. manatı qeyri-büdcə sektorunun payına düşüb ki, bu da əvvəlki ilin müvafiq dövrünə nisbətən 13,4% çoxdur.
Bu ilin 11 ayı ərzində fondun xərcləri 2 619,4 mln. manat olub və bunun 2 568,3 mln. manatı pensiya və müavinətlərin maliyyələşdirilməsinə yönəldilib ki, bu da 12% çoxdur.
Hazırda Azərbaycanda əmək pensiyası alan şəxslərin sayı 1 29 0092 nəfər təşkil edir. Onların 60,8%-ni yaşa görə, 28,3%-ni əlilliyə görə, 10,9%-ni isə ailə başcısını itirməyə görə əmək pensiyası alanlar təşkil edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
