İqtisadi İslahatların Təhlili və Kommunikasiya Mərkəzində (İİTKM) Strateji Yol Xəritələrinin monitorinqi və qiymətləndirilməsinin dəstəklənməsi üzrə təlimlər yekunlaşıb.
Mərkəzdən “APA-Economics”ə verilən xəbərə görə, təlimi Dünya Bankının dövlət sektoru üzrə mütəxəssis və tapşırıq qrupunun rəhbəri Yelena Gergieva-Andonovska, monitorinq və qiymətləndirmə üzrə məsləhətçi Anet Rixter, proqram üzrə köməkçi Nigar Sadıqova keçiriblər.
İİTKM-in Dünya Bankına müraciəti əsasında təşkil olunan təlimdə Mərkəzin bütün departamentinin əməkdaşları beynəlxalq təcrübəni bölüşüblər. Təlimdə xüsusilə qeyd olunub ki, monitorinq və qiymətləndirmə strateji idarəetmənin mühüm tərkib hissədir. İİTKM-in tətbiq etdiyi təkmil monitorinq və qiymətləndirmə hesabatlılıq və şəffaflığın artırılması, həmçinin açıq hökumət prinsipinin tətbiqi nöqteyi-nəzərindən əhəmiyyətlidir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
