Gürcüstan. Nizami Məmmədzadə - APA. 2013-cü il iyulun 31-nə olan məlumata əsasən Gürcüstanın xarici borcu və dövlət zəmanəti ilə alınan kreditlərin həcmi 4 milyard 159 milyon dollar təşkil edir. APA-nın Gürcüstan bürosunun xəbərinə görə, bu barədə Gürcüstan Maliyyə Nazirliyi açıqlama yayıb. Gürcüstanın 17 kreditor ölkəyə ümumilikdə 762 milyon 223 min dollar borcu var.
Maliyyə Nazirliyinin məlumatında kredit verən ölkələr sırasında Azərbaycan da göstərilib. Qeyd olunub ki, Gürcüstanın Azərbaycana 12 milyon 618 min dollar kredit borcu var.
Kreditor ölkələr sırasına Avstriya (8,703 milyon dollar), Türkmənistan (211 min dollar), Türkiyə (24,126 milyon dollar), İran (9,844 milyon dollar), Rusiya (103,444 milyon dollar), Ermənistan (14,906 milyon dollar), Özbəkistan (304 min dollar), Ukrayna (277 min dollar), Qazaxıstan (27,774 milyon dollar), Çin (4,404 milyon dollar), Almaniya (334,965 milyon dollar), Yaponiya (101,283 milyon dollar), Küveyt (21,742 milyon dollar), Hollandiya (2,899 milyon dollar), Amerika Birləşmiş Ştatları (32,101 milyon dollar) və Fransa (62,621 milyon dollar) da daxildir.
Dövlət qiymətli kağızları: avrobondlar - 500 milyon dollar təşkil edir.
Bundan əlavə, Gürcüstana kredit verən beynəlxalq institutlar da var. Bu sahədə borc ümumilikdə 2,677 milyard dollar təşkil edir. Almaniya da dövlət zəmanəti ilə Gürcüstana 3,006 milyon dollar kredit borcu verib.
Gürcüstanın xarici borcunun ümumi məbləğindən 216,548 milyon dolları Milli Bankın payına düşür. Kreditor Beynəlxalq Valyuta Fondudur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
