Rusiya Bankı (mərkəzi bank - red.) haker hücumu nəticəsində onun hesabından 2 mlrd. rubl məbləğində vəsaitin oğurlanmasını təkzib edib.
"APA-Economics" TASS agentliyinə istinadən xəbər verir ki, bu barədə tənzimləyicinin yaydığı məlumatda deyilir.
"Haker hücumu nəticəsində müxbir hesablarımızdan 2 mlrd. rubl məbləğində vəsaitinin oğurlanması barədə yayılan informasiyalar həqiqəti əks etdirmir. Ötən axşam dərc olunan "Maliyyə sabitliyi icmalı"nda 2016-cı il ərzində haker hücumları nəticəsində kommersiya banklarının və onların müştərilərinin üzləşdiyi itkilər barədə məlumat qeyd edilib", - deyə məlumatda qeyd edilib.
*** SAAT 10:57
Hakerlər Rusiya banklarının mərkəzi bankdakı (Rusiya Bankı - red.) hesablarından 2 mlrd. rubl oğurlayıb. "APA-Economics" xəbər verir ki, bu barədə CNN telekanalına Rusiya Bankının rəsmisi Artyom Sıçyov bildirib.
Onun sözlərinə görə, hakerlər 5 mlrd. rubl oğurlamağa cəhd edib, lakin mərkəzi bank kiberhücumu dəf etməyi bacarıb: "Biz vəsaitin bir hissəsini qaytara bildik".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
