2017-ci ilin iyun ayında Azərbaycan İpoteka Fondunun (AİF) vəsaitləri hesabına banklar tərəfindən 11,9 mln. manat məbləğində ipoteka krediti verilib.
“APA-Economics”in Azərbaycan Mərkəzi Bankına (AMB) istinadən verdiyi xəbərə görə, ilin əvvəlindən iyulun 1-nə qədər banklar tərəfindən 76,8 mln. manatlıq ipoteka krediti verilib.
İyun ayında dövlət büdcəsindən AİF-ə 3,8 mln. manat ayrılıb. Bununla da, hesabat dövrü ərzində dövlət büdcəsindən AİF-ə ayrılan vəsaitin həcmi 24,2 mln. manata çatıb.
İyunda AİF 9,2 mln. manat məbləğində krediti təkrar maliyyələşdirib.
Hesabat dövründə Bakı Fond Birjasında AİF-in 10 mln. manatlıq istiqrazları yerləşdirilib.
AİF-in ipoteka portfeli üzrə göstəricilərə gəlincə, bu ilin iyulun 1-nə müvəkkil kredit təşkilatları tərəfindən verilən kreditlərin orta məbləği 42 612,1 manat, orta müddəti 280 ay, orta faiz dərəcəsi 6,67%, aylıq ödəniş isə 305,6 manat təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
