2017-ci ili “Azərenerji” ASC-nin 602,873 min manat zərərlə başa vurub.
“APA-Economics”in “Azərenerji”nin konsolidə edilmiş hesabatına istinad verdiyi məlumata görə, şirkətin ötən il gəlirləri 25,08% artaraq 1 mlrd. 13 mln. 336 min manat olub. “Azərenerji”nin 2017-ci ildə enerji satışından gəlirləri 1 mlrd. 10 mln. 337 min manat, elektrik şəbəkəsinə qoşulma xidməti və digər satış gəlirləri 2 mln. 999 min manat təşkil edib.
Hesabat dövründə “Azərenerji”nin aktivləri 15% azalaraq 3 mlrd. 652 mln. 924 min manat təşkil edib. Hesabat dövründə qurumun uzunmüddətli aktivləri 3 mlrd. 4mln. 174 min manat, qısamüddətli aktivləri isə 648 mln. 750 min manata bərabər olub.
ASC-nin öhdəliklərinə gəlincə, 2016-cı ildə 2 mlrd. 856 mln. 331 min manata qarşı, 2017-ci ildə 2 mlrd. 632 mln. 686 min manat olub.
2016-cı il ilə müqayisədə 2017-ci ildə “Azərenerjinin” cəmi kapitalı 29,23% azalaraq 1 mlrd. 20 mln. 238 min manat təşkil edib. Qurumun nizamnamə kapitalı 2016-cı ildə olduğu kimi qalıb – 1 mlrd. 760,495 min manat.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
