Bakı. Musa Əhmədov - APA-Economics. Azərbaycanda sığorta fəaliyyəti ilə bağlı lisenziya verilməsi üçün 8, icazələrin verilməsi üçün Maliyyə Bazarlarına Nəzarət Palatasına (MBNP) 6 müraciət daxil olub.
"APA-Economics"in sorğusuna cavab olaraq Palatadan bildirilib ki, hazırda bu müraciətlərə baxılır.
Palatadan o da bildirilib ki, Direktorlar Şurasının 4 may 2016-cı il tarixli qərarı ilə 1 hüquqi şəxs və 131 fiziki şəxs olan sığorta agentlərinin lisenziyalarının qüvvəsi müvafiq dövr üzrə hesabatı təqdim etmədiklərinə görə 3 ay müddətinə dayandırılıb: “40 nəfər fiziki şəxs olan sığorta agentlərinin lisenziyalarının qüvvəsinin dayandırılmasına əsas vermiş hallar qanunvericiliklə müəyyən edilmiş müddətdə aradan qaldırılmadığından Maliyyə Bazarlarına Nəzarət Palatasının Direktorlar Şurasının 4 may 2016-cı il tarixli qərarı ilə həmin şəxslərin lisenziyaları ləğv edilib".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
