Bakı. Musa Əhmədov - APA-Economics. 2015-ci ilin büdcə zərfində neftin 1 bareli 90 dollardan götürülüb. Neftin qiymətinin aşağı enməsi fonunda 90 dollar göstərilməsi problemli məsələ deyil.
“APA-Economics”in məlumatına görə, bunu bu gün Milli Məclisin altı komitəsinin iştirakı ilə 2015-ci ilin dövlət büdcəsinin layihəsinin müzakirəsi zamanı Elm və təhsil komitəsinin sədri Şəmsəddin Hacıyev deyib.
O, bildirib ki, 2015-ci ilin birinci yarasından başlayaraq dünyanın bir çox ölkələrində iqtisadi artım başlayacaq. “İqtisadi artım isə neftə olan tələbatı artıracaq. Nəticədə isə neftin qiyməti yüksələcək”, - deyə Ş. Hacıyev bildirib.
“Ən pis halda neftin qiyməti 90 dollardan 10-15 dollar aşağı olsa belə, gəlir və xərclərin yerinə yetirilməsində problemlər olmayacaq. Çünki ehtiyat mənbələri kifayət qədərdir. 2015-ci ilin dövlət büdcəsi dövlətin inkişafının təmin olunmasında yeni dövr olacaq və qarşıya qoyulan yeni hədəflərə nail olacağıq”, - deyə Ş. Hacıyev qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
